कोल्हबीमा फाल्गुन १३ गतेदेखि चेरवन्त गोल्डकप हुने
सिमराः बाराको कोल्हबीमा फाल्गुन दोस्रो सातादेखि चेरवन्त गोल्डकप सुरु हुने भएको छ । आयोजक श्री मानसी बाबा युवा क्लबको आयोजनामा फाल्गुन १३ देखि प्रतियोगिता हुने भएको हो ।
फाल्गुन २० गतेसम्म आयोजना हुने प्रतियोगितामा नव जनजागृति युवा क्लब सिमरा, बारा ११, महोत्तरी, कठार युवा क्लब चितवन, नमुना जन उत्थान युवा क्लब सिन्धुली, हरिवन युवा क्लब सर्लाही, हेटौडा फूटबल एकेडेमी मकवानपुर र आयोजक क्लबको सहभागिता रहनेछ ।
प्रतियोगिताको विजेताले एक लाख र उपविजेताले ५५ हजार प्राप्त गर्ने आयोजक क्लबका अध्यक्ष निराजन चौधरीले जानकारी दिएका छन् । चौधरीले करिब ११ लाखको लागतमा प्रतियोगिताको आयोजना गर्न लागिएको बताएका छन् ।
पत्रकार सम्मेलनमा कोल्हबी नगरपालिकाका नगर प्रमुख रामप्रसाद चौधरी, वडा नं. ११ का अध्यक्ष नन्दकिशोर चौधरी, वडा सदस्य चन्दुप्रसाद चौधरी, पूर्व खेलाडी हरिनन्दन चौधरी, रामकिशुन चौधरी, देवकी राम, देवानन्द चौधरीलगायतको उपस्थिती रहेको थियो ।
प्रतियोगिताको समापनको पूर्वसन्ध्यामा फाल्गुन १९ गते निजगढ र हेटौडाको महिला टोलीबीच मैत्रीपूर्ण खेल हुने आयोजकले जनाएको छ ।
