चेरवन्त गोल्डकपः चितवन सेमिफाइनलमा प्रवेश
सिमराः कठार युवा क्लब चितवन कोल्हबीमा जारी प्रथम चेरवन्त गोल्डकप फूटबल प्रतियोगिताको सेमिफाइनलमा प्रवेश गरेको छ । बारा ११ विरुद्ध टाइब्रेकरमा ५–४ को जित निकाल्दै चितवन अन्तिम चारमा प्रवेश गरेको हो ।
निर्धारित समयमा दुवै टिमले १–१ को बराबरी खेलेपछि नतिजा टाइब्रेकरबाट निकालिएको हो । खेलको सुरुवातमै अग्रता लिएको बारा ११ ले अन्तिम समयमा आफूलाई सम्हाल्न नसक्दा चितवनले बराबरी गोल फर्काएको थियो ।
प्रतियोगिता अन्तर्गत नमुना जन उत्थान क्लब सिन्धुली र हरिवन युवा क्लब सर्लाहीबीच हुनेछ । श्री मानसी बाबा युवा क्लबको आयोजनामा सुरु भएको प्रतियोगितामा आठ टिमको सहभागिता रहेको छ ।
प्रतियोगिताको विजेताले एक लाख र उपविजेताले ५० हजार नगद प्राप्त गर्नेछन् ।
