चेरवन्त गोल्डकपः महोत्तरी फाइनलमा प्रवेश
सिमराः बिवाइसी महोत्तरी कोल्हबीमा जारी प्रथम चेरवन्त गोल्डकप फूटबल प्रतियोगिताको फाइनलमा प्रवेश गरेको छ । नमुना जन उत्थान क्लब सिन्धुलीलाई टाइब्रेकरमा ४–२ ले पराजित गर्दै महोत्तरी फाइनलमा प्रवेश गरेको हो ।
निर्धारित समयमा दुवै टिमले गोल गर्न नसकेपछि खेल नतिजा टाइब्रेकरबाट निकालिएको हो । निर्धारित समयमा दुवै टिमले गोलरहित बराबरी खेलेका थिए ।
यसैगरी प्रतियोगिता अन्तर्गत बिहिवार कठार युवा क्लब चितवन र आयोजक श्री मान सी बाबा युवा क्लबबीच दोस्रो सेमिफाइनल खेल हुनेछ । हेटौडालाई पराजित गर्दै आयोजक प्रतियोगिताको अन्तिम चारमा प्रवेश गरिसकेको छ ।
