होलीको अवसरमा मैत्रीपूर्ण भेट्रान फूटबल सम्पन्न
सिमराः होली पर्वको अवसरमा सोमबार सिमरामा मैत्रीपूर्ण भेट्रान फूटबलको आयोजना गरिएको छ । सिमरामा रहेर भेट्रान फूटबल खेलमा आवद्ध खेलाडीहरुबीच मैत्रीपूर्ण फूटबल सम्पन्न भएको हो ।
चार टिममा विभाजित भएर खेलिएको खेलमा सिमरा भेट्रान्स बिजयी भएको हो । सिमराले फाइनल खेलमा एडभान्स भेट्रान्स क्लबलाई १–० ले पराजित गरेको हो । सिमराको जितमा विश्वास साहले निर्णायक गोल गरेका थिए ।
पहिलो खेलमा एबिसी भेट्रान्स क्लबलाई १–० ले पराजित गर्दै फाइनलमा प्रवेश गरेको सिमराले दोस्रो खेलमा दुर्गामाई भेट्रान्स क्लबलाई १–० ले पराजित गरेको एडभान्ससंग फाइनल खेलेको थियो । खेल सम्पन्न भएपछि खेलाडीहरुले रंग लगाएर शुभकामना आदनप्रदान गरेका थिए ।
