दोस्रो परवानीपुर गोल्डकपः सर्लाही सेमिफाइनलमा प्रवेश
सिमराः सर्लाहीको गोरखा फूटबल क्लब परवानीपुर गोल्डकपको सेमिफाइनलमा प्रवेश गरेको छ । हेटौडा फूटबल एकेडेमीलाई १–० ले पराजित गर्दै सर्लाही अन्तिम चारमा प्रवेश गरेको हो ।
परवानीपुर खेल मैदानमा सोमबार सम्पन्न खेलमा सर्लाहीका लागी समिर लामाले निर्णायक गोल गरेका थिए । दोस्रो हाफमा उनले गरेको गोल नै निर्णायक बनेको थियो ।
प्रतियोगिता अन्तर्गत मंगलबार केबिए ग्लोबल बिएफसी चितवन र जनकपुर स्पोर्टस् क्लबबीच हुनेछ ।
परवानीपुर युथ क्लबको आयोजामा जारी प्रतियोगिताको विजेताले एक लाख ५० हजार र उपविजेताले ७५ हजार प्राप्त गर्नेछन् ।
