तराई संघको नवनिर्वाचित पदाधिकारी र सदस्यले लिए सपथ
सिमराः तराई यातायात व्यवसायी संघको छैठौं अधिवेशनबाट चयन भएका पदाधिकारी र सदस्यले सोमबार पद तथा गोपनियताको सपथ लिएका छन् । संघको कार्यालयमा आयोजित कार्यक्रमकाबीच नव निर्वाचित कार्यसमितिले सपथ लिएको हो ।
मुख्य निर्वाचन अधिकृत मुकुन्दबहादुर क्षेत्रीले अध्यक्षसहित पदाधिकारी र सदस्यलाई सपथ ग्रहण गराएका थिए । सपथ ग्रहणअघि कार्यसमितिका पदाधिकारी र सदस्यलाई निर्वाचित भएको प्रमाणपत्र प्रदान गरिएको थियो ।
छैठौं अधिवेशनबाट संघको अध्यक्षमा ओमकृष्ण कार्की, बरिष्ठ उपाध्यक्ष सुहैल अख्तर अंसारी, केन्द्रीय उपाध्यक्ष जीवनकुमार श्रेष्ठ, क्षेत्रीय उपाध्यक्ष (उत्तर) बोधराज आचार्य, क्षेत्रीय उपाध्यक्ष (दक्षिण) उमकेश्वर प्रसाद रौनियार, क्षेत्रीय उपाध्यक्ष (पश्चिम) कुमार राई, क्षेत्रीय उपाध्यक्ष (पूर्व) वीरेन्द्र कार्की, महासचिव अर्जुनप्रसाद अधिकारी, उपमहासचिव देवकुमार श्रेष्ठ, सचिव लोकराज पौडेल, रामबहादुर कार्की, मनोज यादव, सहसचिव तुफान फारुक अंसारी, कोषाध्यक्ष नारायणप्रसाद घिमिरे, सहकोषाध्यक्ष पदमा नविन थापा निर्विरोध निर्वाचित भएका थिए ।
यसैगरी कार्यसमितिको सदस्य पदमा सुदिप रिमाल, दिलुमाया श्रेष्ठ, लोकबहादुर पोखरेल, मदनराज कंसाकार, बिजय रंजितकार, करणकुमार चौधरी, राजादिन बाबु, उत्तमकुमार पौडेल, संजयकुमार गुप्ता निर्वाचित भएका थिए ।
सपथ ग्रहण कार्यक्रममा प्रतिनिधिसभा सदस्य एवम् पूर्वमन्त्री किसान श्रेष्ठ, मधेस प्रदेशसभा सदस्य देवनारायण चौधरी, बाराका प्रमुख जिल्ला अधिकारी नवराज सापकोटा, प्रहरी उपरीक्षक होबिन्द्र बोगटी, ट्राफिक प्रहरी उपरीक्षक सन्तोष भट्टराई, प्रहरी नायब उपरीक्षक प्रदीपबहादुर क्षेत्री, सशस्त्र प्रहरी नायब उपरीक्षक अमरबहादुर खत्री, संघको संस्थापक अध्यक्ष उदयबहादुर श्रेष्ठलगायतको उपस्थिती रहेको थियो ।
