संगसंगै सहकारीद्धारा गुम्बाका विद्यार्थीलाई खाद्यान्न तथा शैक्षिक सामाग्री सहयोग
सिमराः संगसंगै बचत तथा ऋण सहकारी संस्थाले अमलेखगंजस्थित गुम्बामा रहेका विद्यार्थीका लागि खाद्यान्न र शैक्षिक सामाग्री सहयोग गरेको छ । सामाजिक उत्तरदायित्व अन्तर्गत जीतपुरसिमरा १ पथलैयामा रहेको सहकारीले गुम्बामा रहेर अध्ययन गर्दै आएका विद्यार्थीका लागि उक्त सामाग्री सहयोग गरेको हो ।
सहकारीका अध्यक्ष भुवन राईले गुम्बाकी अध्यक्ष फुलमाया मगरलाई सामाग्री हस्तान्तरण गरेका थिए । सामाग्री सहयोग हस्तान्तरण कार्यक्रममा पूर्वअध्यक्ष अर्जुन श्रेष्ठ, सहकारीका मदनराज कंसकार, बिजय रंजितकार, नवराज अधिकारी, विकास श्रेष्ठ, गुम्बामा संचालित विद्यालयकी प्रध्यानाध्यापक मिना लामालगायतकोे उपस्थिती रहेको थियो ।
उक्त गुम्बामा ५५ जना विद्यार्थीहरु अध्ययनरत छन् । गुम्बाले अनाथ बालबालिकालाई समेत संरक्षण गरी शिक्षा प्रदान गर्दै आएको छ ।
