टेम्पो पल्टिदा तीन वर्षीया बालिकाको मृत्यु
सिमराः कलैया–वीरगन्ज सडकखण्डमा आइतवार टेम्पो दुर्घटना हुँदा तीन वर्षीया बालिकाको मृत्यु भएको छ । रक्सौलबाट कलैयातर्फ जादै गरेको टेम्पो भलुही चोकमा पल्टिदा परी भनिने आराध्या श्रीवास्तवको मृत्यु भएको हो ।
दुर्घटनामा पाँच जना घाईते भएका छन् । रक्सौलबाट यात्रु लिएर कलैयातर्फ जादै गरेको स१ह ७०८ नम्बरको टेम्पो दुर्घटनामा परेको हो । दुर्घटनाका अन्य घाइतेको एलएस न्युरो अस्पतालमा उपचार भईरहेको छ ।
घटनाको अन्य विवरण आउन बाँकी रहेको जिल्ला प्रहरी कार्यालय बाराले जनाएको छ ।
