बारा २ मा उपेन्द्र यादवको जित सुनिश्चित
कलैया: बारा क्षेत्र नं. २ मा जनता समाजवादी पार्टीका अध्यक्ष उपेन्द्र यादवको जित सुनिश्चित भएको छ । यादवले मतगणना गर्न बाँकी मत भन्दा बढी अग्रता लिएसंगै उनको जित सुनिश्चित बनेको हो ।
पछिल्लो मतपरिणाम अनुसार यादवले तीन हजार आठ सय ९७ मतको अग्रता लिएका छन् । उनले अग्रता लिएको भन्दा गणना गर्न बाँकी मत कम छ । निर्वाचन अधिकृतको कार्यालय अनुसार तीन हजार दुई सय ६८ मत गणना हुन बाँकी छ ।
६५ हजार आठ सय २९ मत गणना हुँदा यादवले २६ हजार आठ सय २९ मत प्राप्त गरेका छन् भने जनमत पार्टीका उम्मेदवार शिवचन्द्र कुशवाहाले २२ हजार नौ सय ३२ मत पाएका छन् ।
