जीतपुरसिमरामा जेठ २८ गतेदेखि बिहानी कक्षा संचालन हुने
सिमराः जीतपुरसिमरा उपमहानगरपालिकाले जेठ २८ गतेदेखि बिहानी कक्षा संचालन गर्न निजी तथा सामुदायिक विद्यालयलाई निर्देशन दिएको छ ।
गर्मीका कारण जेठ १६ गतेदेखि बिदा दिदै आएको उपमहानगरपालिकाले शुक्रबार सूचना जारी गर्दै आइतबारदेखि कक्षा संचालन गर्न निर्देशन दिएको हो । अर्को सूचना जारी नभएसम्म बिहान ६ बजेदेखि ९ः३० बजेसम्म कक्षा संचालन गर्न उपमहानगरपालिकाले निर्देश गरेको छ ।
गर्मी कम नभएपछि उपमहानगरपालिकाले बिदा लम्ब्याउदै आएको थियो । लामो समयदेखि विद्यालय बन्द हुँदा पठनपाठन प्रभावित हुने र बिहानी कक्षा संचालनको माग बढेपछि उपमहानगरपालिकाले पछिल्लो निर्णय गरेको हो ।
