जीतपुरसिमरा उपमहानगरपालिकाको नीति तथा कार्यक्रम आज सार्वजनिक हुँदै
सिमरा: जीतपुरसिमरा उपमहानगरपालिकाको नीति तथा कार्यक्रम शनिवार सार्वजनिक हुँदैछ । अमलेखगञ्जमा सुरु हुन लागेको आठौं नगरसभामा नीति तथा कार्यक्रम सार्वजनिक गर्न लागिएको हो ।
आठौं नगरसभाको पहिलो दिन नीति तथा कार्यक्रम ल्याएर छलफल गर्ने तालिका छ । उपमहानगरपालिकाको वार्षिक कार्यदिशाको रुपमा रहेको नीति तथा कार्यक्रम नगर प्रमुख राजन पौडेलले प्रस्तुत गर्नेछन् । नगर प्रमुखले प्रस्तुत गरेको नीति तथा कार्यक्रममाथी सभामा छलफल हुनेछ ।
नगरसभाले नीति तथा कार्यक्रम पारित गरेपछी उपमहानगरपालिकाले असार १० गते भित्र आर्थिक वर्ष २०८०/८१ लागि बजेट ल्याउनेछ । नगर उपप्रमुख भोलाप्रसाद अधिकारीले नीति तथा कार्यक्रममा आधारित रहेर बजेट प्रस्तुत गर्नेछन् ।
