पथलैया नकआउट फूटबल प्रतियोगिता सुरु, उद्घाटन खेलमा सिमरा ११ बिजयी
सिमराः जीतपुरसिमरा उपमहानगरपालिका १ पथलैयामा बुधवारदेखि नकआउट फूटबल प्रतियोगिता सुरु भएको छ । पथलैया युवा क्लबको आयोजनामा सुरु भएको प्रतियोगिताको पहिलो दिन दुई खेल सम्पन्न भएका छन् ।
श्रीकृष्ण मन्दिर खेल मैदानमा भएको उद्घाटन खेलमा सिमरा ११ बिजयी भएको छ । सिमरा ११ ले महेन्द्रनगरलाई २-१ ले पराजित गरेको हो । यसैगरी दोस्रो खेलमा कोसेली युवा क्लबले कामना फूटबल क्लबलाई ३-० ले पराजित गरेको छ ।
प्रतियोगिताको उद्घाटन स्थानीय राजकुमार डिमडुङलेले गरेका थिए । उद्घाटन कार्यक्रमको सहजीकरण भुवन थापाले गरेका थिए ।
