मोटरसाइकलको ठक्करबाट बालक घाइते
सिमराः जीतपुरसिमरा उपमहानगरपालिका १ स्थित दसधुरेमा मोटरसाइकलको ठक्करबाट सोमबार साँझ एक बालक घाईते भएका छन् ।
पथलैयाबाट सिमरातर्फ आउदै गरेको प्र.२–०३–०२२ प ५१११ नम्बरको मोटरसाइकलले ठक्कर दिदा सोही ठाउँका ८ वर्षीय युवराज श्रेष्ठ घाईते भएका हुन् । मोटरसाइकलको ठक्करबाट बालकको टाउको र ढाडमा चोट लागेको छ ।
घाइते बालकलाई उपचारका लागि वीरगन्जस्थित न्युरो अस्पताल लगिएको छ । सिमरास्थित अल्पाईन अस्पताबाट थप उपचारका लागि उनलाई वीरगन्ज लगिएको हो । प्रहरीका अनुसार उनको अवस्था गम्भिर छ ।
दुर्घटनामा मोटरसाइकलमा सवार कृष्ण लामा घाइते छन् । उनको शरिरको विभिन्न भागमा चोट लागेको छ । उनको अल्पाईन अस्पतालमा उपचार भईरहेको छ । अस्पतालका अनुसार तामाङको अवस्था सामान्य छ ।
इलाका प्रहरी कार्यालय सिमराले चालकलाई नियन्त्रणमा लिएको छ ।
