पर्यटन प्रवर्द्धनका लागि होटल व्यवसायी संघद्धारा अन्तर्क्रिया
सिमराः होटल तथा पर्यटन व्यवसायी संघ बाराले शनिवार ‘पर्यटन प्रवर्द्धनका लागि अन्तर्क्रिया कार्यक्रमको आयोजना गरेको छ । सिमरास्थित होटल श्रेष्ठ रेसिडेन्सीमा ‘पर्यटन विकासको सम्भावना र चुनौती’ कार्यक्रमको आयोजना गरिएको हो ।
कार्यक्रममा निजगढ नगरपालीकाका नगर प्रमुख सुरथ पुरीले पर्यटनको विकासबाट अन्य क्षेत्रका विकास सम्भव रहेको बताए । नगर प्रमुख पुरीले सबैले आफ्नो क्षेत्रबाट यसका विकासका लागि काम गर्नुपर्ने बताए ।
कार्यक्रममा संघका संस्थापक अध्यक्ष एवम जीतपुरसिमरा नगर उद्योग वाणिज्य संघका अध्यक्ष मोहन शर्माले बारामा पर्यटनको सम्भावना अधिक रहेको भन्दै सरोकारवाला क्षेत्रले पर्यटन प्रवर्द्धनमा केन्द्रीत रहेर काम गर्नुपर्नेमा जोड दिए ।
कार्यक्रममा विभिन्न स्थानीय तहका प्रमुख, नेपाली सेना, नेपाल प्रहरी, सशस्त्र प्रहरी, होटल तथा पर्यटन व्यवसायीको उपस्थिती रहेको थियो ।
संघका अध्यक्ष अर्जुन लम्सालको सभाध्यक्षमा सम्पन्न कार्यक्रमको सहजीकरण संघका महासचिव गोविन्द गहतराजले गरेका थिए ।
