बाराको कलैयामा एक प्रधानाध्यापकमाथि गोलि प्रहार, उपचारको क्रममा मृत्यु
कलैयाः बाराको सदरमुकाम कलैया उपमहानगरपालिका वडा नम्बर ६ मा अज्ञात समुहले गोलि प्रहार गरेको छ । कलैयाको बाल एकता कलेजका प्रधानाध्यापक रुपेश स्वर्णकारमाथि गोलि प्रहार भएको प्रहरीले जनाएको छ ।
अन्नपूर्ण स्विटस बाट मिठाई किनेर बिद्यालय फर्किरहेका बेला मोटरसाइकल मा सवार दुई जनाको अज्ञात समुहले स्वर्णकारको छाती र टाउकोमा गोलि प्रहार गरी फरार भएका छन । एन आई सि बैंक कलैया को दक्षिण मदर्शा टोल जाने बाटोमा स्वर्णकार माथी गोलि प्रहार गरिएको प्रत्यक्षदर्र्शीहरुले बताएका छन ।
गोली लागेर घाईते भएका स्वर्णकारको उपचार प्रादेशिक अस्पताल कलैयामा हुन नसकेपछि उनलाई वीरगन्जस्थित मेडिसिटी बयोद्धा अस्पताल लगिएको थियो । उपचारको क्रममा स्वर्णकारको निधन भएको अस्पतालले पुष्टि गरेको छ । गोलि चलाउने को खोजी कार्य भईरहेको बारा प्रहरी प्रमुख सुरेश काफ्लेले जनाएका छन् ।
