वडा कार्यालयद्धारा प्रहरी कार्यालयलाई कम्प्युटर हस्तान्तरण
सिमराः जीतपुरसिमरा उपमहानगरपालिका वडा नं. १४ को कार्यालयले सिमरास्थित ईलाका प्रहरी कार्यालयलाई एक थान कम्प्युटर हस्तान्तरण गरेको छ । प्रहरी कार्यालयको सेवा प्रवाहलाई सहज बनाउन वडा कार्यालयले कम्प्युटर हस्तान्तरण गरेको हो ।
वडा नं. १४ की वडाध्यक्ष चयन गुरुङले ईलाका प्रहरी कार्यालयका प्रहरी नायब उपरीक्षक प्रदीपबहादुर क्षेत्रीलाई कम्प्युटर हस्तान्तरण गरेकी हुन् । कम्प्युटर हस्तान्तरण गर्ने क्रममा स्थानीय रीता रिजाललगायतको उपस्थिती रहेको थियो ।
ईलाका प्रहरी कार्यालय सिमराले जीतपुरसिमरा उपमहानगरपालिकाको २४ वटै वडाभित्र शान्तिसुरक्षा प्रदान गर्दै आएको छ ।
