ग्रासरुट फूटवल: उपाधिका लागि लोटस र नेरामावि बकुलिया भिड्ने
सिमरा: अन्तर विद्यालय ग्रासरुट फूटवल प्रतियोगिताको लागि लोट्स एकेडेमी, सिमरा र नेपाल राष्ट्रिय माध्यमिक विद्यालय बकुलिया भिड्ने भएका छन् ।
सिमरा रंगशालामा विहिवार भएको अन्तिम सेमिफाईनल खेलमा राष्ट्रिय विभुती शिक्षा सदन डुमरवानालाई ५-० ले पराजित गर्दै लोटसले बकुलियासंगको भेट पक्का गरेको हो ।
नेपाल राष्ट्रिय माध्यमिक विद्यालय, अमलेखगंजलाई १-० ले पन्छाउदै बकुलिया यसअघि नै प्रतियोगिताको फाईनलमा प्रवेश गरिसकेको छ । बकुलियासंगको भेट पक्का गर्ने क्रममा लोटस एकेडेमीका आकाश मोक्तान एक्लै चार गोल गरे । टिमका लागि पाचौं गोल विवेक बुढाथोकीले गरेका थिए ।
चार गोल गरेका आकाश खेलको म्यान अफ दि म्याच घोषित भए । प्रतियोगिताको उपाधी भिडन्त शनिवार हुनेछ । ग्रासरुट फाउण्डेशनले आयोजना गरेको प्रतियोगितामा जीतपुरसिमरा उपमहानगरपालिकाका २४ विद्यालयको सहभागिता रहेको थियो ।
