मोटरसाइकल दुर्घटनामा एमबिबिएस अध्ययनरत दुई छात्रको मृत्यु
सिमराः वीरगञ्जमा आइतबार मोटरसाइकल दुर्घटना हुँदा एमबिबिएस अध्ययनरत दुई छात्रको मृत्यु भएको छ । वीरगन्ज १५ भिस्वास्थित जिल्ला आयुर्वेद अस्पताल नजिक मोटरसाइकल दुर्घटना हुँदा बारा र धनुषाका दुई छात्रको मृत्यु भएको हो ।
मृत्यु हुनेमा बारा सुवर्ण गाउँपालिका हर्दियाका २३ वर्षीय सन्दीप यादव र धनुषाको सबैला नगरपालिकका सुमित यादव रहेका छन् । उनिहरुको घटनास्थलमै मृत्यु भएको प्रहरीले जनाएको छ ।
भिस्वाबाट भेडियाही जाने क्रममा उनिहरु सवार प्रदेश २–०३–०२१ प ५४३२ नम्बरको मोटरसाइकल अनियन्त्रित भएर दुर्घटना भएको थियो । उनिहरुको शव वीरगन्जस्थित नारायणी उपक्षेत्रीय अस्पतालमा राखिएको छ ।
