पर्सा प्रहरीद्धारा पेस्तोलसहित दुई जना पक्राउ
वीरगन्जः पर्सा प्रहरीले बुधबार राती एक थान नलकटुवा पेस्तोलसहित दुई जनालाई पक्राउ गरेको छ । बहुदरमाई नगरपालिका ९ स्थित सडकबाट प्रहरीले उनिहरुलाई पक्राउ गरेको हो ।
पक्राउ पर्नेमा कालिकामाई गाउँपालिका ५ का ४३ वर्षीय दीपेन्द्र गिरी र पोखरिया नगरपालिका ९ का ३७ वर्षीय शिवपुजन मुखिया रहेको पर्साका प्रहरी प्रवक्ता ध्रुवकुमार श्रेष्ठले जानकारी दिएका छन् ।
विशेष सूचनाको आधारमा ना१२प ४९७१ नम्बरको मोटरसाइकल रोकी जाँच गर्दा गिरीको ज्याकेटबाट पेस्तोल बरामद भएको प्रवक्ता श्रेष्ठको भनाई छ । पेस्तोल फेला परेपछि प्रहरीले गिरीसहित पछाडी सवार मुखियालाई नियन्त्रणमा लिएर हातहतियार सम्बन्धी कसुरमा अनुसन्धान थालेको प्रवक्ता श्रेष्ठले जानकारी दिए ।
