महाशिवरात्रीका अवसरमा निजगढमा `शिवरात्री साँझ´ हुने
निजगढ: महाशिवरात्रीको अवसरमा बाराको निजगढ नगरपालिका ९ ठाडोलाईनस्थित वाक्यश्वर महादेव मन्दिरमा शुक्रबार `शिवरात्री दोहोरी साँझ´ हुने भएको छ ।
निजगढका लोक दोहोरी समुहका कलाकारको सहभागितामा हुन लागेको दोहोरी साँझको आयोजना फास्ट ट्रयाक मिडिया प्रालिले गर्न लागेको हो । उक्त कार्यक्रम निजगढ नगरपालिका वडा नं. ९ को कार्यालयको सहयोग तथा वाक्यश्वर मन्दिर समितिको व्यवस्थापनमा हुन लागेको आयोजक समितिका अध्यक्ष महेश्वर अधिकारीले जानकारी दिएका छन् ।
वाक्यश्वर महादेव मन्दिरमा शिवधुनी र पूजापछी दोहोरी कार्यक्रम सुरु हुनेछ । शिवरात्रीको अवसरमा लाख बत्ती बाल्ने र प्रसाद वितरण कार्यक्रम समेत रहेको अधिकारीले जानकारी दिए ।
