साना किसान सहकारी मनहर्वाको दुई दिने पशुपालन ब्यवस्थापन तालिम सम्पन्न
बाराः जीतपुरसिमरा उपमहानगरपालिका वडा नं.१८ मा रहेको साना किसान कृषि सहकारी संस्था लिमिटेड मनहर्वाले दुई दिने पशुपालन ब्यवस्थापन तालिम सम्पन्न गरेको छ । तालिममा सहकारीमा आवद्ध ४५ जना सदस्यको सहभागिता रहेको थियो ।
कलैया उमहानगर पालिका वडा नं.१६ को वडा कार्यालय मझौलियामा तालिमको आयोजना गरिएको थियो । तालिमका सहभागिहरुलाई साना किसान कृषि सहकारी संस्था लिमिटेड डुमरवानाका पशु प्राविधिक प्रेम प्रसाद पौडेल, डुमरवाना दुग्ध उत्पादनक सहकारी संस्था लि. (डेरी) की पशु प्राविधिक एवं सहजकर्ता मुना शिवाकोटी र आयोजक संस्थाका मुख्य प्रबन्धक पुष्पराज खतिवडाले सहजीकरण गरेका थिए ।
सहभागिहरुलाई दुधालु गाई भैंसीको छनौट र नश्ल सुधार विधि, उपयुक्त गोठ व्यवस्थापन, गर्भिणी, ब्याएका गाई भैंसी एवंम बाच्छा बाच्छीको ब्यवस्थापन, मुख्य संक्रामक रोगहरु, रोकथाम र उपचार विधिका बारेमा जानकारी गराईएको थियो ।
यस्तै विभिन्न भुईं घाँस तथा डाले घाँस उत्पादन गर्ने विधि, आन्तरिक र वाह्य परजीवीहरुकोे नियन्त्रण विधि, आत्मनिर्भरताका लागि दुध उत्पादन र यसका फाईदा, सहुलियत कर्जा सुविधा र लिने तिर्ने प्रकृया, बचतको महत्व र आवश्यकता लगायतका विषयमा सहजीकरण गरिएको थियो । तालिमका सहभागीहरुले तालिम निकै उपलब्धीमुलक भएको बताएका छन ।
विहिबार संस्थाको संचालक समिति सदस्य एवं दुग्ध संकलन केन्द्र संयोजक रोशा खातुनले तालिमको उद्घाटन गरेकी थिईन । यस्तै शुक्रबार तालिमको समापन संकलन केन्द्र समितिका सदस्य प्रेम महराले गरेको थिए ।
तालिम साना किसान लघुवित्ति वित्तिय संस्था लिमिटेड शाखा कार्यालय हेटौंडाको आर्थीक सहयोग , साना किसान कृषि सहकारी संस्था लिमिटेड मनहर्वाले संचालन गरेको दुग्ध संकलन केन्द्र प्रमुख मनोज पटेलको संयोजकत्वमा सम्पन्न भएको हो ।
