लायन्स क्लब अफ सिमरा युथको वर्ष २०२४।२५ का लागि पदाधिकारी चयन
सिमराः लायन्स क्लब अफ सिमरा युथको वर्ष २०२४।२५ को अध्यक्षमा राजकुमार लामा चयन भएका छन् । वर्ष २०२३–२४ को प्रथम उपाध्यक्ष रहेका लामा आगामी कार्यकालका लागि अध्यक्ष चयन भएका हुन् ।
लामाको नेतृत्वमा रहेको समितिको प्रथम उपाध्यक्षमा रविन उपाध्याय, सचिवमा निलिसा बर्मा र कोषाध्यक्षमा कपिल खरेल चयन भएका छन् । यसैगरी द्धितीय उपाध्यक्षमा चयन गुरुङ, तृतीय उपाध्यक्षमा सम्राट खनाल, चौथो उपाध्यक्षमा राजकुमार थापालाई चयन गरिएको छ ।
यसैगरी रमेश सुवेदीलाई क्लब डाइरेक्टर, अर्जुन विकलाई सर्भिर चेयरपर्सन, सुरज वैद्यलाई मेम्बरसिप चेयरपर्सन, शान्तमणी रिजाललाई क्लब मार्केटिङ कम्युनिकेशन चेयरपर्सन चयन गरिएको वर्ष २०२३।२४ का अध्यक्ष त्रिलोक बिक्रम शाहले जानकारी दिए ।
नवनिर्वाचित पदाधिकारीले सन् २०२४ को जुलाई १ तारिखदेखि कार्यभार सम्हाल्नेछन् । वर्ष २०२३।२४ को वर्तमान पदाधिकारीको कार्यकाल जुन अन्तिममा समाप्त हुनेछ ।
सन् २०२० मा स्थापना भएको क्लबको वर्ष २०२२।२३ मा दिवाकर भण्डारी र त्यसअघि हंकल्पित न्यौपाने अध्यक्ष रहेका थिए ।
