कृषकले सिंचाईका लागि प्रयोग गर्ने मोटर चोरी गरेको आरोपमा एक पक्राउ
कलैयाः कृषकले सिंचाईका लागि प्रयोग गर्ने पानी तान्ने मोटर चोरी गरेको आरोपमा प्रहरीले एक जनालाई पक्राउ गरेको छ । पक्राउ पर्नेमा पचरौता नगरपालिका ३ का २७ वर्षीय श्याम सुन्दर सहनी रहेका छन् ।
उनको साथबाट चार थान पानी तान्ने मोटर समेत बरामद गरेको बाराका प्रहरी प्रवक्ता दधिराम न्यौपानेले जानकारी दिएका छन् । पचरौता नगरपालिका ३ रामनगरका विभिन्न व्यक्तिले दिएको जाहेरीका आधारमा प्रहरी चौधरी श्रीनगर बैरियाबाट खटिएको प्रहरी टोलीले सहनीलाई पक्राउ गरेको हो ।
पक्राउ परेका साहलाई बारा जिल्ला अदालतबाट चार दिनको म्याद थप गरी चोरी मुद्धामा कारवाही प्रक्रिया सुरु गरिएको प्रहरी प्रवक्ता न्यौपानेले जानकारी दिए ।
