पाँच किलो लागूऔषध गाँजासहित एक पक्राउ
सिमराः बाराको अमलेखगञ्जबाट प्रहरीले लागूऔषध गाँजासहित एक जनालाई पक्राउ गरेको छ । पक्राउ पर्नेमा हेटौडा उपमहानगरपालिका १९ का ३१ वर्षीय दीपक बैजु रहेका छन् ।
बनेपाबाट ठोरीतर्फ जाँदै गरेको यात्रुबाहक बस चेकजाँच गर्ने क्रममा बसमा यात्रा गरिरहेका बैजुलाई गाँजासहित नियन्त्रणमा लिएको बाराका प्रहरी प्रवक्ता दधिराम न्यौपानेले जानकारी दिएका छन् । बैजुले बोकेको झोलाबाट पाँच किलो चार सय ग्राम गाँजा बरामद भएको न्यौपानेले बताए ।
बैजुलाई नियन्त्रणमा लिई कारवाही थालिएको प्रवक्ता न्यौपानेले जानकारी दिए ।
