कलैया उपमहानगरपालिका फूटबल प्रतियोगिताको उपाधीका लागि निजगढ र कलैया भिड्ने
सिमराः कलैया उपमहानगरपालिका फूटबल प्रतियोगिताको उपाधिका लागि न्यू जनजागृति युवा क्लब निजगढ र समाज विकास युवा क्लब कलैया भिड्ने भएका छन् ।
भोडाहा खेल मैदानमा मंगलबार भएको दोस्रो सेमिफाइनल खेलमा जनजागृतिले नव जनप्रगति युवा क्लब करैयामाईलाई १–० ले पराजित गर्दै कलैयासंगको भेट पक्का गरेको हो । कलैयाले नेपाली सेनाको ज्वाला दल गणलाई पराजित गर्दै फाइनलमा प्रवेश गरिसकेको छ ।
निजगढलाई फाइनलमा पुर्याउने क्रममा विक्रम लामाले निर्णायक गोल गरे । उनि प्लेयर अफ दि म्याच घोषित भए ।
प्रतियोगिताको फाइनल खेल बिहीबार हुनेछ । कलैया उपमहानगरपालिकाको सहयोगमा नगर खेलकुद विकास समितिले आयोजना गरेको प्रतियोगिताको विजेताले ३० हजार र उपविजेताले २० हजार नगद प्राप्त गर्नेछ ।
