संगालो सहकारीद्धारा निःशुल्क आँखा जाँच शिविरको आयोजना
सिमराः १२औं स्थापना दिवसका अवसरमा जीतपुरसिमरा उपमहानगरपालिका २ स्थित संगालो बचत तथा ऋण सहकारी संस्थाले निःशुल्क आँखा जाँच शिविरको आयोजना गरेको छ ।
सिमरास्थित जीतपुरसिमरा अस्पतालमा आयोजना गरिएको शिविरमा दुई सय ५० भन्दा बढीले आँखा जाँच गराएका थिए । संस्थाका अनुसार नगर प्रमुख राजन पौडेल, उपप्रमुख भोलाप्रसाद अधिकारी, प्रहरी नायब उपरीक्षक चिरञ्जिवी दहालसहित नगर भित्रका स्थानीयले निःशुल्क आँखा जाँच गराएका हुन् ।
संस्थाका अध्यक्ष शालिकराम अधिकारीको अध्यक्षतामा सम्पन्न आँखा शिविरमा वीरगन्जस्थित किरण अस्पतालका चिकित्सकले प्राविधिक सहयोग गरेका थिए ।
