विश्व वातावरण दिवसको अवसरमा लायन्स क्लबद्धारा वृक्षरोपण
सिमराः विश्व वातावरण दिवसको अवसरमा लायन्स क्लब अफ कलैयाले वृक्षरोपण गरेको छ । लायन्स क्लबले कलैया ३ स्थित सिद्धेश्वर खेल परिसरमा वृक्षरोपण गरेको हो ।
लायन्स क्लबका द्धितीय उपाध्यक्ष सुवास जयसवालका अनुसार अशोक, टिकलगायत विभिन्न प्रजातिको एक सय विरुवा रोपिएको थियो ।
क्लबका अध्यक्ष भरत अग्रवालको अध्यक्षतामा सम्पन्न कार्यक्रममा सचिव सुर्यजित सिंह, कोषाध्यक्ष बृजकिशोर साहसहित क्लबका पदाधिकारी तथा सदस्य, कलैया क्रिकेट क्लबका खेलाडीलगायतको उपस्थिती रहेको थियो ।
वातावरण दिवसकै अवसरमा लायन्स क्लब अफ सिमरा जागरणले पनि सिमरा रंगशालामा वृक्षरोपण गरेको छ । क्लबका अध्यक्ष युवराज पौडेलको अध्यक्षतामा सम्पन्न कार्यक्रममा विनोद सापकोटा, राजदास श्रेष्ठलगायत उपस्थित थिए ।
