गिरीले मनाए मानवसेवा आश्रममा जन्मदिन, दुई सय २० जनालाई गराए दिवाभोजन
सिमरा: जीतपुरसिमरा उपमहानगरपालिका १ सिमराका युवा कश्यप गिरीले आफ्नो जन्मदिनको अवसरमा मानवसेवा आश्रममा दिवा भोजनको आयोजना गरेका छन् ।
जन्मदिनको अवसर पारेर गिरीले हेटौंडास्थित मानवसेवा आश्रममा रहेका दुई सय २० जनाका लागि दिवा भोजनको आयोजना गरेका हुन् ।
गिरी जन्मदिन मनाउन परिवारसहित हेटौंडास्थित मानवसेवा आश्रमको मुख्य कार्यालय पुगेका थिए । आश्रमको संरक्षणमा रहेका नागरिकसंग जन्मदिन मनाउने क्रममा गिरीले दिवा भोजनको आयोजना गरेका हुन् ।
जन्मदिन मनाउन पुगेका गिरीसहित परिवारलाई मानवसेवा आश्रमले सम्मान गरेको थियो । गिरी पेशाले इन्जिनियर हुन् ।
