पर्सामा २२ किलो लागूऔषध गाँजासहित एक जना पक्राउ
सिमराः पर्सा प्रहरीले लागु औषधसहित एक जनालाई पक्राउ गरेको छ ।
जिल्ला प्रहरी कार्यालय पर्साको टोलीले साढे २२ किलो ४९० ग्राम लागुऔषध गाँजासहित एक जनालाई पक्राउ गरेको हो । गाई गोठमा लागु औषध गाँजा लुकाई छिपाइ राखेको अवस्थामा पक्राउ गरिएको पर्सा प्रहरीले जनाएको छ ।
प्रहरी टोलीले पटेर्वा सुगौली वडा नम्बर ४ बस्ने भथौडा का २९ वर्षीय अमित कुमार चौधरीलाई पक्राउ गरेको हो । विशेष सूचनाको आधारमा छापामारी गर्दा चौधरीको गोठबाट ७ पोका लागु औषध गाँजा बरामद भएको पर्सा प्रहरी प्रमुख कुमोध ढुंगेलले बताए ।
